Zirkon Dişlər, Üstünlükləri və Qiymətləri(2025) – Hansı Sizə Uyğundur?

Zirkon dişlər metal dəstək daşımayan diş örtükləridir. Estetik cəhətdən görünüşü yüksək qiymətləndirilir. Onlar əsasən keramika qapaqlar qrupuna daxildir və metal dəstəksiz növ olaraq seçilir. Zirkon diş müalicəsi, təbii gülüş istəyən pasiyentlər üçün idealdır. Bu estetik qapaqların istifadə olunan zirkonium ağ rəngli keramik materialdır. Bu material yüksək temperaturda xüsusi sobalarda hazırlanır. Nəticədə alınan zirkonium dişlər möhkəm, uzunömürlü və təbii görünüşlü olur. Onlar həm ön, həm də arxa dişlərdə uğurla tətbiq edilir.

Zirkon dişlər hansı hallarda istifadə olunur?

Zirkon diş müalicəsi bu hallarda tətbiq olunur:

Çürümüş və böyük dolğu tələb edən dişlərin bərpasında
Qırılmış və forması pozulmuş dişlərin düzəldilməsində
Estetik gülümsəmə dizaynında
İmplant üzərinə qapaq qoyulmasında
Köhnə metal-keramika örtüklərin zirkon dişlərlə əvəzlənməsində
Dişsiz boşluğun doldurulması üçün zirkon körpülərin hazırlanmasında
İmplant üzərində estetik zirkon qapaqların istifadəsində

Zirkonium dişlər isə eyni materialdan hazırlanmış, yüksək möhkəmliyə və təbii görünüşə malik diş örtükləridir. Onlar həm ön, həm də arxa dişlərdə uğurla tətbiq olunur. Zirkoniyum dişlər pasiyentin diş strukturu və gülüş dizaynı nəzərə alınaraq fərdi hazırlanır.

Zirkonium dişlər taxılmadan əvvəl diaqnoz üsulları

Zirkon dişlər üçün hazırlanma mərhələləri və diaqnoz üsulları aşağıdakı kimidir:

Rentgen müayinəsi – diş kökü, çənə sümüyü və ətraf toxumaların vəziyyəti ətraflı qiymətləndirilir. Bu addım, zirkon dişlərin tətbiqi üçün uyğunluğun müəyyən edilməsində vacibdir.
Ağız içi müayinə – diş əti sağlamlığı, qonşu dişlərin vəziyyəti və ümumi ağız gigiyenası yoxlanılır. Bu mərhələ, müasir zirkonium diş qapaqlarının uzunömürlü olması üçün də önəmlidir.
Diş səthinin hazırlanması – diş səthi yonularaq hamar və bərabər hala gətirilir.
Kənar formalaşdırma – dişin bütün ətrafında ən azı 0,5 mm enində sahə hazırlanır ki, qapaq düzgün otursun.
Çeynəmə səthinin azaldılması – istifadə olunacaq qapağın qalınlığı üçün ən azı 1 mm yer yaradılır.
Rəqəmsal və ya silikon ölçü götürülməsi – dişin və ətraf sahənin dəqiq modeli hazırlanır.
Rəng seçimi – Zirkon dis seçimində pasiyentin istəyi nəzərə alınır. təbii diş rənginə ən yaxın ton müəyyən edilir.

Zirkon dişlər, Emax zirkon və Metal keramika dişlər -Müqayisəsi

Zirkon dişlər hansı rənglərdə olur?

Zirkon dişlər təbii diş rənginə ən yaxın görünüşü əldə etmək üçün beynəlxalq Vita rəng kataloqu əsasında hazırlanır. Bu kataloq stomatologiyada rəng seçimində dünya standartı hesab olunur və pasiyentin istəyinə, dişlərinin mövcud rənginə, həmçinin ümumi gülümsəmə estetikası planına uyğun ton seçməyə imkan verir.

Rəng seçimi zamanı həm estetik görünüş, həm də dişlərin təbii işıq keçirmə xüsusiyyəti nəzərə alınır. Zirkon materialı işığı təbii diş minası kimi keçirə bildiyi üçün seçilən tonlar daha real görünür.

A seriyası – isti tonlar (zirkon dişlər üçün ən çox seçilən rəng qrupudur)
A1 – çox açıq ağ, parlaq və təmiz görünüş
A2 – təbii açıq ağ, ən çox seçilən tonlardan biri
A3 – orta dərəcədə tünd ağ, isti alt tonla
A4 – daha isti və tünd ağ ton

B seriyası – sarımtıl isti tonlar (zirkon dişlərdə təbii görünüş üçün uyğundur)
B1 – parlaq, isti ağ ton, A1-ə nisbətən bir az sarımtıl
B2 – açıq, isti ağ
B3 – orta sarımtıl ağ
B4 – daha tünd sarımtıl ton

C seriyası – soyuq boz tonlar
C1 – açıq boz alt ton
C2 – orta dərəcədə boz ton
C3 – tünd boz ton
C4 – ən tünd boz alt ton

D seriyası – neytral-qəhvəyi tonlar
D2 – açıq qəhvəyi-boz ton
D3 – orta dərəcədə qəhvəyi-boz
D4 – tünd qəhvəyi-boz ton

Zirkon diş müalicəsində dişlər yolunurmu? Dişlərə zərər dəyirmi?

Zirkon diş müalicəsində sağlam dişlər tamamilə çıxarılmır, yalnız qapağın yerləşməsi üçün diş səthi formalaşdırılır. Yonulma minimal olur və dişin təbii strukturu qorunur. Düzgün aparılan prosedur zamanı zirkon diş müalicəsi dişlərə zərər vermir, əksinə onları xarici təsirlərdən qoruyur.

Zirkonium dişlər qiymətləri necə dəyişir?

Zirkon dişlərin qiyməti bir sıra amillərdən asılıdır. Bunlara pasiyentin vəziyyətinin mürəkkəbliyi, ölkə, həkimin təcrübəsi və tələb olunarsa əlavə prosedurlar daxildir. Xarici ölkələrdə, xüsusilə inkişaf etmiş diş müalicəsi xidmətləri göstərilən yerlərdə zirkonium dişlərin qiyməti yüksəkdir, lakin bir çox halda diş sığortası xərclərin müəyyən hissəsini qarşılayır.

Azərbaycanda isə zirkonium dişlər təxminən 150 manatdan başlayaraq müxtəlif qiymətlərlə təklif olunur. Bu, xarici ölkələrlə müqayisədə daha sərfəlidir. Amma nəzərə almaq lazımdır ki, zirkonium dişlərin keyfiyyəti qiymətdən daha önəmlidir. Klinikamıza müraciət edərək həm qiymətlər, həm də müayinə ilə bağlı bütün suallarınızı verə bilərsiniz.

💡 Qeyd: Almaniya, İsveçrə və Yaponiya istehsalı zirkonium materialları daha keyfiyyətli və uzunömürlü olduğu üçün baha başa gəlir və yüksək keyfiyyət tələb olunan diş müalicəsində daha çox istifadə olunur. Koreya və Türkiyə istehsalı zirkonium materialları isə münasib qiymət aralığında olur və geniş tətbiq edilir.

Zirkon dişlərin ömrü nə qədərdir?

Zirkon dişlər düzgün hazırlanıb yerləşdirildikdə və mütəmadi ağız baxımı aparıldıqda orta hesabla 10–15 il ağızda problemsiz qala bilir. Keyfiyyətli zirkonium materialı, peşəkar laboratoriya işi və həkimin təcrübəsi bu müddəti daha da uzada bilər. Pasiyent düzgün diş gigiyenasına riayət edərsə və mütəmadi olaraq stomatoloq müayinəsinə gələrsə, zirkon dişlərin ömrü 20 ilə qədər çata bilər. Lakin diş qıcama (bruksizm), çox sərt qidaların tez-tez dişlənməsi və ağız gigiyenasına laqeyd yanaşma bu müddəti azalda bilər.

Zirkon dişlər necə təmizlənməlidir?

Zirkon dişlər uzunömürlü və estetik nəticə versə də, onların baxımı düzgün aparılmalıdır. Gündəlik ağız gigiyenasına əməl etmək, müntəzəm olaraq diş həkiminə müraciət etmək vacibdir. Yumşaq tüklü diş fırçası və abraziv olmayan diş pastası istifadə etmək, diş ipi və ağız yaxalayıcı vasitələrlə təmizləmə aparmaq məsləhətdir.

Zirkonium dişlərdə də eyni qaydalar keçərlidir. Onların səthi hamar olduğundan ləkə və çirklənmə riski azdır, amma qəhvə, çay və siqaret istifadəsi rəngdə dəyişiklik yarada bilər. Buna görə belə içkilərdən sonra ağız su ilə yaxalanmalı, mütəmadi peşəkar təmizləmə aparılmalıdır.

Zirkon dişlərdə rəng dəyişməsi olurmu?

Yüksək keyfiyyətli zirkon materialı rəngini uzun illər qoruyur və çay, qəhvə kimi içkilərdən asanlıqla ləkə tutmur. Lakin ümumi ağız gigiyenasına diqqət etmək vacibdir.

Zirkon dişlər diş əti ilə necə uyğunlaşır?

Zirkon dişlər biouyğun materialdan hazırlandığı üçün diş əti ilə təbii şəkildə uyğunlaşır və allergik reaksiyalara səbəb olmur. Düzgün ölçü və yerləşdirmə olduqda diş əti xəstəlikləri riski azalır. Lakin yanlış hazırlanma və gigiyena qaydalarına əməl olunmaması diş əti iltihabına gətirib çıxara bilər.

Zirkon dişlər sına və düşə bilərmi?

Zirkon dişlər, müasir diş estetikasında həm möhkəmliyi, həm də estetik görünüşü ilə seçilən materiallardan biridir. Lakin hər material kimi, zirkon dişlər də müəyyən şərtlərdə sınaya və ya düşə bilər. Normalda yüksək davamlılığa sahib olsa da, bəzi amillər bu dişlərin ömrünü qısalda bilər.

Zirkon dişlərin sınma səbəbləri

Güclü fiziki təsir: Qəfil zərbə, yıxılma və ya qoz, buz kimi çox sərt qidaların dişlə qırılması nəticəsində.
Diş sıxma və ya gicəcləmə (bruksizm): Gecə və ya gündüz şüursuz şəkildə dişlərin bir-birinə çox təzyiq göstərməsi.
Yanlış oklüziya: Dişlərin düzgün bağlanmaması nəticəsində müəyyən dişlərə həddindən artıq yük düşməsi.
Texniki qüsurlar: Zirkon kaplamanın çox incə hazırlanması və ya laboratoriyada düzgün işlənməməsi.

Zirkon dişlərin düşmə səbəbləri

Yapışdırıcı sementin zəifləməsi: Zamanla sementin təsirini itirməsi nəticəsində kaplamanın boşalması.
Diş dibində çürük: Alt təbəqədə dişin zədələnməsi və ya çürüməsi kaplamanın tutuculuğunu azalda bilər.
Kök hissənin zədələnməsi: Təbii dişin və ya implantın kök hissəsində qırılma və zəifləmə.

Zirkon dişlərin qorunma yolları

Sərt qidaları dişlə qırmaqdan çəkinmək.
Bruksizm problemi olan şəxslər üçün gecə qoruyucu plak istifadə etmək.
Müntəzəm diş həkimi müayinəsinə getmək və kaplamaların vəziyyətini yoxlatmaq.

Zirkon dişlər düzgün qulluq və müntəzəm müayinə ilə uzun illər problemsiz istifadə oluna bilər. Ancaq sınma və ya düşmə kimi hallar baş verərsə, mütləq peşəkar diş həkiminə müraciət edilməlidir.

Dr.Elchin Gaziyev